Wednesday, January 29, 2014

Mga ilegal na parasira, arestado

Rapu-Rapu, Albay
Rapu-Rapu, Albay
RAPU-RAPU, ALBAY—Nagpapadagos pa guiraray an illegal na pagdakop nin sira sa bawaan na ini.

Sa atubang kan mayong huraw na patanid asin paguiromdom hale sa officinal kan Bureau of Fisheries and Aquatic Resources (BFAR), 14 personas na imbuelto sa illegal na pagsira an nahulog sa kamot kan mga awtoridad digdi.

An mga miembros kan Philippine Coast Guard, sa sumbong ni Punong Barangay Eric de la Cruz, an nag imponir kan makusog na fuerza kan ley.

Ipihayag sa bareta na an Bantay Dagat na suportadong programa kan barangay iyo an nagtaong kusog nin boot sa mga taga-barangay Poblacion na dae na palibrehon an mga kaiwal kan mga parasira.

An mga nadakop iyo sinda Walberto Albao, Lauro Bordeos, Felipe Burce, Angel Boral, Brayan Canchela, Harry Balingbing, Wilfredo Chavenia, Ramon Burce, Jomar Boral, Alvin Balingbing asin  John Rey Boral.

Sinda anas mga residentes kan Ciudad kan Tabaco, mantang si Gilbert Lovena kan barangay Antipolo, Virac, Catanduanes.

An mga nasambit na persona nadakop sa pagsira na gamit an inaapod na wos-wos o an pa-aling kayakas na ipinagbabawal na pandakop nin sira.

Sinda gabos sasangatan nin casong paglapas sa ordinansa sa ilegal na pag sira.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...