Wednesday, January 8, 2014

Pugante nagsuko


PILI, CSUR— Saro sa siyam na pugante hale sa Tinangis Penal Farm kan nakaaging taon an nagsuko na sa mga autoridad.

An preso iyo si Kalem Cea, 21 anyos, asin may kinakahampang na kasong frustrated murder.
Ikatolo siya sa duwa pang preso na nagsuko naman sa PNP sa Bulacan tolong aldaw matapos an grupo makadulag sa carcel.

Sa pahayag ni Cea, dai man talaga siya nin plano kaidto na mag-puga, alagad nag-iba na sana kan maheling an ibang mga preso na nagdudurulag na.

Dugang pa niya, saro sa mga naging rason kan saiyang pagdulag iyo an grabeng kapungawan sa saiyang pamilya.

Maroromdoman na nag-dulag an mga preso kan Nobiembre kan nakaaging taon.

Segun ki Cea, siya natago muna antes na magpuli sa saiyang harong sa Goa. Alagad siya nagdesisyon na magsuko na sa pulis ta boot niyang makua an saiyang libertad sa legal na paagi.
An duwang kaibanan ni Cea sa preso na nagsuko naman iy Muriel San Joaquin asin Erwin Gapuz.
Pinaghahanap pa kan PNP an anom pang natatada na nakadulag na iyo sinda Eugene Brutas, Lloyd Gilford Embile, Rolly Cabaltera, Richard Tell, asin Juan Polidario.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...