Friday, January 31, 2014

Mga parahabon na nadakop sa Pasacao, nakadurulag man sana

Pasacao, Camarines Sur
Pasacao, Camarines Sur
PASACAO, CSUR - Nag-aaso-aso nin kaanggotan si PNP Provincial Director Police Senior Supt. Ramiro Bausa kan saiyang maaraman na an mga pusikit na parahabas sa banwaan na ini, nakadulag hale sa carcel.

An mga suspechado iyo sinda Kenneth Castillo y Briosa asin Jerome Magtarayo y Reviro, parehong 19 años asin residente kan Zone 7, Brgy. San Cirilo.

Bako sanang panghabon, suspechado pa sinda sa pagpakuriyat nin shabu.

An lapa nang kamogtakan kan carcel kan Pasacao iyo an nagtaong oportunidad para makapuga an duwang detenido sa paagi nin pagbiribid kan rehas na kabilya.

Sinabi ni Bausa na sasampalingon niya nin caso administratibo an jefe kan pulis sa banwaan na ini asin iba pang mga imbuelto, huli kan saindang pagpabaya.

Enot kaini: Mga parasalakat dakop sa Pasacao, positibo man sa paggamit druga


An kinaanggot ni Bausa iyo na pinasipara kan mga pulis an saindang obligasyon na paisihon tulos siya asin an saiyang oficina mapadapit sa konsideradong high profile na kaso digdi.

Sa operasyon kan pulis, nadakop man tulos si Castillo, an saro sa duwang suspechado.
Alagad, an saiyang kaibahan na si Jerome Magtarayo dagos nang nakadulag.

Kan sarong aldaw sana, an duwang suspechado, rinamalan kan mga pulis sa pananalakat asin illegal possession of dangerous drugs.
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...