Thursday, January 23, 2014

2 holdaper, gadan sa Paracale

Paracale, Camarines Norte
Paracale, Camarines Norte
PARACALE, CNORTE – Tulos binawian nin buhay an duwang miembros kan midbid na grupo nin mga holdapers sa banwaan na ini.

Gadan sa incidente iyo si Rodel Enar asin sarong may alyas na Albert.

Si Police Chief Inspector Rommel Labaro nagpahayag sa mga miembros kan media na an operasyon kan mga awtoridad contra sa mga holdapers nangyari sa Barangay Batobalani.

Ini an lugar na bisto na parateng pigpapasadahan kan mga mararaot na elemento sa communidad.
An pagayuda kan mga pulis nangyari kan makarecibe sinda nin apod sa telephono, mapadapit sa presenasya kan mga pigtutubodan na holdaper na parateng nag aatake sa nasambit na lugar.

Marikas si naging pagresponde kan mga pulis, asin sa mismong lugar na sinasambit sa apod sa telephono, nangyari an baradilan.

Ini nagresulta sa pagkakagadan kan mga suspechadong criminal.

Sa enot na rangkada kan pagsiyasat, an mga imbestigador nagtutubod na miembros kan Velasco Gang an nagadan, na an modus operandi iyo an mangholdap, sa arin man na persona na sainda pwedeng maagihan.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...