Friday, January 10, 2014

Mayor Bongat, pinapalayas si Tato Mendoza sa water district

Source
“Dapat maglayas na si Tato Mendoza bilang miembro kan board kan Metro Naga Water District”, ini an sabi kan napipikon na alkalde kan Naga, huli sa nag dadanay na diringkilan sa pag operar kan Central Bus Terminal (CBT).

“Ako baga an nag appoint saiya”, an sabi pa kan alkalde.

Si Bongat, dae na nag pamate nin pag-alangan kan saiyang “birahon” sa sarong intrevista sa radio si Mendoza, huli kan pakitagasan kaini sa kagustohan kan City Hall na bayaan na niya an terminal, huli ta paso na an saindang contrata.

Si Bongat, nakanamit nin enot na kadaogan sa isyu kan bus terminal kan an duwang sanga kan Regional Trial Court kampihan si Mendoza sa paagi nin pag-isyu nin temporary restraining order (TRO).

Kan sarong bulan maroromdoman na an City Hall nagbilog nan in transition committee na iyo an mapadalagan kan CBT, poon Enero 1, ngonian na taon.

Alagad, dae ini nangyari huli ta pinugolan ini kan corte sa paagi kan TRO.

Mientrastanto, an jusgado, padangos pa man na madangog kan caso sa mga mayor nang isyu.

Kaayon digdi an hinahagad ni Mendoza na permanent injunction contra sa ciudad.

An horot kan petitioner na si Mendoza iyo na igwa siya nin derecho na magpadagos kan pagmanehar kan terminal.

An City Hall iyo an dae nag sunod sa ordinansa, na sinda man sana an nag gibo, sabi pa kan petitioner sa caso.


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...