Thursday, January 23, 2014

6,000 na pasahero, stranded sa Matnog

Matnog, Sorsogon
Matnog, Sorsogon
Maabot sa 6,000 na an mga pasahero na dai pa nanggad nakakahale sa Matnog Port sa provincia nin Sorsogon nin huli sa raot kan panahon.

Ini segun sa pinakabagong record na ipinaluwas ni Philippine Ports Authority (PPA) Bicol Manager Nene Sumagaysay.

Sa nasambit na record, nakalaag man na igwa na nin 101 na bus, 353 na mga truck, asin 104 na saradit na awto an nakapila.

Sa mga oras na sinusurat an baretang ini, labing 6 kilometros na an laba kan mga vehiculo na naghahalat na makabalyo pasiring sa Samar.

Nagpahayag an mga autoridad na maski na ngani makalarga na an iba sa mga awtong ini, dakol pa an inaasahan na maarabot mantang pendiente pa an biyahe.

An Coast Guard nagsabi na mayor na rason kan pagka-atraso iyo an darakulang alon na ulang sa ligtas na pagbiyahe kan mga RORO sa nasambit na lugar.

Maroromdoman na nagkapira nang beses na nagbungkaras an siring na problema sa banwaan na ini.
An mga oficiales kan Coast Guard nagrason na mayo man sindang magigibo sa solusyon nin huli kan an problema dara kan maraot na panahon.

Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...