Wednesday, January 8, 2014

Lalaking namaluan na usa binadil gadan


by Oscar Esmenda

OCAMPO, CSUR— Gadan an sarong lalaki kan ini mabadil kan saiyang amigo sa paghona na siya sarong usa.

An victima iyo si Romeo Hallores, mantang an suspetsado iyo si Raul Aragones.

Sa imbestigasyon kan Ocampo PNP, an biktima asin an suspetsado mag-barkada. Sinda nag-olay na ma-hanap nin mga usa na nakaluwas sa LRV Farm bandang alas 7 nin banggi.

Segun sa report, magkasuwayan na nag-hunting an mag-amigo. Kan magluwas an payo kan victima, sa paghona kan suspetsado, usa an naghiro sa sarong madiklom na lugar. Ini an rason kun tano suboot tulos siyang nagpaputok kan saiyang calibre 22 na service firearm.

An suspetsado tulos man na nagpaabot nin report na nabadil niya an saiyang amigo.

Kan mag-abot an mga autoridad, binawian na nin buhay an victima.

Sa follow-up report, sinabi na an suspek duminulag asin pinaghahanap na kan pulisya.

Kasong homicide an pinagpepreparar na isangat sa suspek kan Ocampo PNP.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...