Wednesday, January 8, 2014

Judge Ayo, OK lang sa angat kan City Hall na mag sangat nin reklamo contra saiya asin saro pang RTC judge


Okay lang, derecho man ninda yan”, an halipot na reaksyon ni RTC Judge Junet Ayo, kan makaolay nin halipot na panahon, para hagadan nin tataramon, sa nag aasong mga tataramon ni Alkalde John Bongat kan ciudad na ini.

Kasoodma, hinagad ni Bongat an bendisyon kan consejo kan ciudad nin Naga na tugotan siya na mag plantiar nin reclamong “ignorance of the law”, contra sa duwang RTC Judges, na sinda Judge Garfin asin Ayo.

An duwang mga juwes kan Regional Trial Court, pareho nag-issue nin Temporary Restraining Order contra ki Alkalde Bongat, na nag rerepresentar kan ciudad nin Naga, sa isyu kan Central Bus Terminal, na arkilado kan negosyanteng si Fortunato Mendoza.

Maski bako man na miembro kan Sangguniang Panlungsod, si Bongat, napiritan na mag aparicir sa sesyon kasoodma, para pakusogon an boot kan mga consejal kan ciudad, na hinahagadan nin bendisyon, para tugotan siyang mag caso sa duwang juwes.
Sa pag taram sa session, nag angat pa si bongat na i-quote siya, kan saiyang sabihon na ignorante an mga juwes na nag paluwas kan desisyon para sa temporary restraining order.

Mas direkta an puntariya ni bongat ki Judge Ayo, na saiyang sinahotan na an TRO na pig isyu, mayo suboot nin termino.

Mientrastanto, enot kaini, nag probar man kuta si Consejal Chito Perez na mag palipot kan mainit na diskusyon, kan saiyang sabihon na “baad lugod” orog pang maangot an mga juwes sa sainda asin sa ciudad.


Afuera ki consejal Perez, naguno man kan DWLV asin BICOL STANDARD na si Consejal Nathan Sergio an may pag duwa-duwa sa pag tugot kan Sangguniang Panlungsod na i-reclamo an duwang juwes.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...