Wednesday, January 8, 2014

BREAKING NEWS: PNP, padagos na pinaghahanap an bomba sa Elavil bus

Source
by Ron-Ron Enon

Sibot ngonian an mga tauhan kan Philippine National Police digdi sa Naga pati na an Regional Logistics Division kan PNP duman sa Camp Simeon Ola sa Albay sa paghanap sa sarong bomba na suboot yaon sa sarong Elavil bus.

An Elavil bus na may body number na 5618 asin may plaka na TYN 357 an haros hinahalughog ngonian kan mga operatiba kan PNP tanganing hanapon an pinagsasabing bomba na pinagbogtak suboot sa bus.

An Elavil bus presenteng nakaarada sa mahiwas na lote digdi sa kalabaan kan Almeda Highway.

An bus hale pa duman sa Metro Manila kan nagtalikod na aldaw.

Kan ini mag-abot sa central bus terminal, an bus pinagbagat kan PNP nin huli kan sumbong na ini igwang bomba na nakasakay na nakabogtak suboot sa sa estribo kan sinambit nang vehiculo.

Kasubago kan an karton makua, pinasabog kan mga tauhan kan PNP sa paagi man kan saindang mga espesyal na kagamitan.

Alagad kan bukasan an karton, naheling na an laog kaini, mga goldfish.

Ini an reson kun tano liwat nagresolber an PNP na ipadagos an paghanap sa nasambit nang bomba.

Si City Police Senior Supt. Jose Capinpin an personalmenteng namamayo sa paghahanap kan bomba.

Si Capinpin nagpahayag na an bagay na ini dai dapat basing-basangon.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...