Wednesday, January 8, 2014

Aberiya sa eroplano, iimbestigaran

Source
CIUDAD NIN LEGAZPI — Nakatalaan nang imbestigaran an nangyaring aberiya sa biyahe kan eroplano kan Cebu Pacific kan sarong aldaw sa ciudad na ini.

Susug sa informante kan BICOL STANDARD, poco mas o menos 6:15 nin aga kan dai maggana an enotan na rueda kan eroplano. Huli kaini, naghagad tulos nin tabang ang piloto na si Joselito Cortera tanganing masundo an mga pasahero kaini sa bus.

101 na pasahero an nakasakay sa biyahe kan eroplano na hale sa Ninoy Aquino International Airport terminal 3. An eroplano igwang registry number na RP3265.

Sa inisyal na report, napag-araman na nagkaigwa nin problema sa steering kan eroplano, kaya dai ini tulos makahale sa runway kan airport.

Nagkawsa nin grabeng pagka-abala na uminabot sa sarong oras an nagkapirang mga biyahe sa Legazpi City Domestic Airport an problema kan nasambit na eroplano.Nin huli kaya sa problema, nagsugo an Civil Aeronautics Authority of the Philippine (CAAP) na suspendiron muna an ibang mga biyahe.

An mga pasahero pati naman an miembro kan crew ipinaghatod na sana kan sarong bus paduman sa airport arrival area.

Mientrastanto, uminabot man an sarong mekaniko na nag-irahay sa problema kan eroplano.
Naghurot an CAAP na pararomon pa an imbestigasyon manungod sa nasambit nang insidente.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...