Thursday, January 9, 2014

Madiklom—ini an pwedeng mangyari sa fecha 15 ngonian na bulan kun putolan man nin kuryente an CASURECO II


NAGA CITY – Nakakabayad pa sana kan mga utang ngonian na bulan sa “power supplier”, an CASURECO II, igwa na naman nin narecibeng bagong mga babayadan.

Ini iyo an power bill deposit na sinisingil na kan Philippine Electricity Market Corporation (PEMC), na nag aabot sa kantidad na P89 milyones. Ini dapat bayadan sa fecha 15 ngonian na Enero.

Afuera sa ipig mamandang power bill deposit, an CASURECCO II, dapat na man magbayad sa Wholesale Electricity Spot Market (WESM) kan consumo sa kuryente ngonian na bulan, na nagkakantidad man nin P187 milyones.

Sinabi kasoodma ni Manny Rojo, an parapahayag kan cooperatiba na dae aram kan manejamiento, kun saen makua kan nasambit na dakulang marhay na kantidad, orog nang an fecha 15, ngonian na bulan, harani nang maray.

En caso mangyari an tinatakutan na bagay, madiklom an mga banwaan kan Pili, Minalabac, Milaor, Canaman, Calabanga, Tinambac, Siruma, asin an ciudad kan Naga.

An siring na sitwasyon, garong gayo itunutogot na kan gobierno na an gabos na mga kooperatiba, mapasa-kamot na kan mga pribadong negosyante, arog kan nangyari sa Albay Electric Cooperative (ALECO) na sa presente napasakamot na kan pribadong mga negosyante.

Dae pa lang nahahaloy, an Camarines Sur Electric Cooperative (CASURECO) III, nag agi man sa siring na problema.

Mientastanto, sa entrevista kan media, pigconfirmar ni Rojo na 99% nang madadagos an pag putol, sa rason na mayong pwedeng mabirikan na solusyon para hipnoan an problema.

Iba pang mga bareta asin anuncio:
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...