Wednesday, January 8, 2014

Election sa CASURECO 2 board, gigibohon ngonian na bulan


NAGA CITY – An mga miembros-consumedores kan Camarines Sur Electric Cooperative (CASURECO) 2, tinatawan na naman nin oportunidad na magpili nin mga bagong officiales kan cooperative.

Segun sa informasyon, an junta directiba, nag talaan kan fecha 15 ngonian na bulan na Enero kan deadline sa pag file kan centificate of candidacy, para sa mga boot mag kandidato sa mga distrito kan Pili, Minalabac, Canaman, Milaor, Tinambac, Calabanga asin sa Naga South District.

Enot kaini, itinalaan na kan cooperatiba an election, alagad, dae nadagos kan mayo ni saro sa mga nag aspirar na mga kandidato an maka pasar sa hinahagad na minimum na qualificasyon.

An election na nakatalaan sa fecha 25 ngonian na bulan, linalaoman na madidifisilan liwat na magkaigwa nin qualificadong mga kandidato.

Kabali sa mga hinahagad na qualification iyo an: dapat an kantidato graduado sa apat na taon na curso sa college; nag atendir nin dae mababa sa duwang beses na annual general membership meeting; asin dae nag palso sa pag bayad kan saiyang consumo sa kuryente, maski sarong aldaw, para maging sarong miembro na inaapod na “of good standing”.

An mga giya sa election kan mga officiales kan cooperative, base sa sarong ley na inaprobaran mismo kan Congress kan Pilipinas.

Linalaoman na sa siring na difisil na calificacion, posible na mag paso na naman an ultimong aldaw na plaso para sa pag plantiar nin Certificate of Candidacy.

Maroromduman na bako sanang sa Casureco 2 igwa nin siring na problema. An ibang mga cooperatiba sa Camarines Sur, anas man nagsapo kan siring na higot na reglamento.

Bunga kan siring na pangyayari, an mga miembros kan junta directiba kan mga cooperatiba sa kuryente, nag ookupar kan saindang mga posisyon, sa inaapod na “hold over capacicity” susug sa probisyon kan PD 269, na iyong pinag  titindogan ninda bilang basehan legal.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...