Friday, January 10, 2014

Tapang usa, linubasan na usa, kalderetang usa

Source
OCAMPO, CSURTapang usa. Linubasan na usa. Calderetang usa.

An mga pambihirang luto na ini popular na suboot ngonian sa pirang barangay kan bawaan na ini.

Kanya-kanyang diskarte an ginigibo kan mga taga-banwaan na ini sa pagdakop nin usa na nakaburutas hale sa linangob na lugar sa Barangay Moriones.

Ini an sinabi kan nagkapirang mga residentes kan banwaan na ini na personal na nakaolay kasoodma kan BICOL STANDARD.

Suboot, dakula nang marhay na perwisyo an mga nakadurulag na usa hale sa kulungan sa mga tinanom, orog na an mga mais, na abundang marhay sa lugar na nasambit.

Magigiromduman na kan nagtalikod na semana, sarong persona an nabadil, gadan, kan siya paputokan nin calibre 22 kan saiya man sanang kairiba na nag hahanap nin usa.

Banggui an parateng pinipiling panahon na man badil kan nasambit na hayop. Orog na kun bulanon, madaling marisa an usa ta aktibo sa paghanap nin sabsabon.

Sabi, nagsisilyab an mata kan usa kun madiklom an banggui kun tamaan nin liwanag hale sa flashlight.

Sa sarong incidente kan sarong semana, an mag-amigong mambabadil usa an nagsuwayan para madaling makatupar kan hina-hunting na hayop.

Dimalas niya na pinabuagan nin badil an saiya man sanang kaiba asin amigo, na tulos nagadan.

Sabi pa sa informasyon, nagkapira na ngonian na grupo an nag ha-hunting na kan mga layas o nakaburutas na hayop.

Afuera kan mga ordinaryong namamanwaan, igwa na suboot nin mga armadong tawo, na nasa servicio sa gobierno an na-wiwili nang maghunting nin usa.

An “deer farm”, na iyong pinag halean kan mga dulag o butas na hayop, sarong pambihirang proyekto kan panahon na an gobernador kan Camarines Sur si Luis Villafuerte.

Pero, padagos na ining natunod, ka pabayaan na kan mga nagsurunod na administrasyon.

An mga usa digdi, binakal pa hale sa nasyon kan Australia, asin saro kutang proyektong dapat pangarogan sa pinag-aapod na “deer farming.” Popular man ini dalawon kan mga turista na naoogma sa pag heling kan siring na mga hayop.


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...