Thursday, January 23, 2014

Bahala na vs Sputnik, nagrambol sa Sorsogon Provincial Jail

Sputnik Gang
Sputnik Gang
Source
SORSOGON - An haloy nang iriwal kan mga miembros kan magkaribal na grupo nin mga magkakusa an dahilan kan liwat pagbungkaras kan rambol sa Provincial Jail kan Sorsogon.
Ini an report kan mga nanunungdan sa laog kan prisohan.

Sa borolyada kan duwang grupo, nasaksak sinda Bienvenido Jasereno asin Joen Herrera, an leader kan Sputnik Gang.

Sabi, si Jasereno asin Herrera, naglalakaw pabwelta sa saindang kulungan hale sa inatendiran na tiripon sa laog kan preso kan sabaton kan grupo kan Bahala na Gang.

An Bahala na pinapamayohan ni Raymundo Borbe, Gaspar Lucido, Marcial Brin Azul Grinpola asin Randy Geralde. Kasunod na digdi an borolyada.

Nagluluwas sa inforrmasyon na sinaksak tulos ni Borbe an mga biktima, mantang rinapado man nin kahoy kan saiyang mga kaibahan an victima sagkod na madismayo.

Nagkapira nang beses nagkasabatan an magkalaban na grupo sa laog kan carcel. An mga awtoridad digdi, naghahadit na may masunod pang mangyayi, kun dae makakagibo nin paagui na sinda pagsuruwayon.

Sa oras na sinusurat an baretang ini, an mga opisyal kan Sorsogon Provincial Jail an naggigibo pa nin imbestigasyon, katuwang an mga miembros kan Philippine National Police kan Sorsogon City.
Mawot kan mga awtoridad na makunfiscar an mga armas na ginagamit kan magkaiwal na grupo.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...