Tuesday, January 7, 2014

Minalayo Snake Island kan Masbate bida sa Born to Be Wild

Bida an Minalayo Island kan Provincia kan Masbate saagang banggi sa "Born to be Wild" kan GMA 7.

Binansagang "Seasnake Island", an Minalayo bistadong sanktwaryo nin mga walo-walo o yellow-lipped sea kraits. An halas na ini sinasabing saro sa mga pinakamabenenong halas sa enterong kinaban.

Sa palabas, misyon kan bistadong beterinaryo na si Doc Nielsen Donato asin saiyang pag-iriba hali sa Research Institute for Tropical Medicine na makakua nin beneno hali sa walo-walo. Ini, tanganing makagibo sinda nin anti-venom hali sa makukuang beneno.

Didiskubrehon an misteryo na tinatago kan Isla kan Minalayo o Snake Island sa Born to be Wild saagang banggi sa GMA 7 pakatapos kan Saksi. 

An Born to be Wild sarong wildlife documentary show na pinangengenotan ni Doc Ferds Recio asin Doc Nielsen Donato.
Share:

Featured Post

9th Infantry Division appeals to candidates not to support rebels

Pramis NAGA CITY (Bicol Standard) – The 9th Infantry Division of the Philippine Army called upon aspirants in the forthcoming local e...