Friday, January 10, 2014

NPA sinasahutang imbuelto sa pagkakabadil-gadan kan sarong miembro kan CAFGU

Philippine Army
CATANDUANESMiembros kan New People's Army an tinutubudan kan mga militar na nasa likod kan pagbabadil-gadan kan sarong aktibong miembro kan Citizens Armed Forces Geographical Unit (CAFGU).

Segun sa Official Report, tadtad nin bala an hawak nin sarong lalake kan ini makua sa pampang kan sarong salog sa Lundayog Farm Way sa Barangay JMA, banwaan nin San Miguel, sa provinciang ini. 

Binisto an an biktima na si Dominic Samonte na naka-assign sa 3rd Platoon, 1st Catanduanes Civilian Active Auxiliary Company na nakabase sa  Barangay Iyao, banwaan kan Caramoan.

Basado sa informante kan BICOL STANDARD, poco mas o menos alas once nin bangui, kan Martes, kan mahiling an mayo nang hawak ni Samonte kan mga residentes kan Barangay JMA. An informaciong ini, tulos man na ipinaabot sa otoridad na madali man nagresponder sa insidente.

Digdi naconfirmar kan mga miembros kan Philippine Army na sarong miembro kan CAFGU an binadil gadan.

Hasta sa oras na ini, padagos an imbestigasyon kan pulisya sa kun sisay an dapat an manimbagan sa hustisya sa pagkagadan ni Samonte. 
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...