Sunday, January 5, 2014

Lalaki naghugot sa Camarines Norte

Sarong lalakeng pigsususpetsahang naghugot an nakuang nakabigti sa saiyang payag-payag sa Purok 6, Sitio Paraiso, Barangay Bagasbas, Daet kan fecha-2 kan Enero. 

Binisto an biktimang si Ernesto del Valle, alyas "Totoy", 34 anos, soltero asin sarong paratinda nin balut.

Segun sa enot na impormasyon na natipon kan Daet PNP, posibleng grabeng depresyon an nagtulod sa soltero na tapuson an saiyang buhay gamit an sarong nylon cord. 

Sa imbestigasyon, nakaulay pa suboot ni Erlinda del Valle Capistrano, residente kan Barangay Dalas, Labo, Camarines Norte, an saiyang hermano limang aldaw antes kan insidente. Istorya kaini, nasambitan kan saiyang tugang an mga tataramon na: “Dae ko na kaya, ang mga gamit ko, saindo na yan” bago ini mabublay na huminale.

Dai pa man kinokonsiderar na sarado na an kaso kan pulisya. Saindang sinisigurado na mayo na man nanggad foul play na imbuelto digdi.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...