Wednesday, January 8, 2014

Tensyon nagbungkaras sa Aleco



Napano nin kariribukan an oficina Albay Power and Energy Corporation (APEC) o an dating Albay Electric Cooperative (ALECO) kasuogma, causa tanganing maparalisa an operasyon kan nasabing cooperatiba.

Ini matapos probaran kan  sarong grupo na ulangon an an pagtake over sa manehamiento kan Aleco kan San Miguel Corporation -SMC Global Power.

An insidenteng ini pigkonfirmar ni Energy Secretary Carlos Petilla na nagsabi  na may poco mas o menos 100 katawo na nag-ocupar kan ibang parte kan APEC compound tanganing pugulan an oficialmenteng pagturnover kan manehamiento kan  Aleco.

Segun sa informante kan BICOL STANDARD, reklamo kan grupo an dai suboot pigsapubliko kan nakapalaog sa pirmadong Concession Agreement. Duda ninda, na posibleng may mga isiningit na kondisyones na kontra sa interes kan mga Albayano. 

Sarong meeting na an ipinaapod kan Energy Secretary, tanganing dai na maulit an siring na insidente.

Maroromduman sa SMC Global inaward an derecho na imanehar an Aleco sa laog nin 35 taon matapos ini manggana sa bidding. 

Sinasabing mapaluwas nin P350M an SMC Global na masirbing separation payment para sa mga maaapektuhang mga empleyado kan Aleco. Mientras tanto, nag-earmark naman ining P250M para sa capital expenditure. 

An nasambit na compania saro sa pinakadakulang independent power generation companies sa enterong Pilipinas na may installed capacity na 2,545 megawatts.
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...