Thursday, December 19, 2013

Dai nagsumiter nin SOCE sa Bicol, binisto kan COMELEC


Sarong kagawad an pig-ngaranan bilang saro sa mga dai nakacumple sa requisito na magsumeter nin Statement of Statement of Contributions and Expenditures (SOCE).
Ini iyo si Panong de Jesus, na kagawad sa presente kan banwaan nin Milagros sa Masbate.
Afuera ki de Jesus, yaon man sa listahan kan COMELEC sinda Councilor Edgardo Kintanar kan Batuan, Masbate; Councilor Joven Laura kan Sorsogon City; asin Councilor Lubiano Chuck kan Sorsogon City.
Sa entrevista ki Atty. Romeo Fortes, Regional Director, COMELEC Bicol, ipig-klaro niya na duwa sa tolong huring nasambit, bakong personalmente nag-file kan SOCE, mantang an saro, dai nag-gamit kan prescribed form.
Aatubangon kan mga nasambit na pulitiko an sarong multa sa pag-palyar sa requisito.
Mientrastanto, pig-anunciar man ni Fortes na sa Abril ipapaluwas naman ninda an lista kan mga dai nagcumple kan pag-file kan SOCE sa nakaagi pa sanang barangay election.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...