Thursday, December 19, 2013

Taga-sain si Santa Claus?

Source
Popular lalo na sa mga kaakian an matabang lalaki na nagdadara nin regalo pag Pasko. Siya inaapod na Santa Claus, sarong tradisyon na namana ta hale sa mga Amerikano.

Alagad aram daw nindo na an orihinal sa Santa Claus, bakong Amerikano, asin bako man Europeo? Siya hale digdi mismo sa kontinente kan Asya.

An orihinal na Santa Claus pinagtutubudan na sarong obispo na nagngangarang Nicolas. Siya nabuhay sa nasyon kan Turkey kan ika-4 na siglo.

Naging sikat siya kaidto sa saiyang pagiging matinabang, lalo na sa mga kaakian.

An istorya kan pagka-matinabang naglakop sa Europa, arog duman sa The Netherlands, kun sain siya inapod na Sinterklaas, o kun sa Bicol, San Nicolas.

Iyo na ini an pinagbasehan kan tradisyon na naka-abot sa Estados Unidos, kun sain ginibo kan mga artist an modernong itsura ni Santa Claus.

Alagad, apuera ki Santa Claus, iba-iba an mga pinagtutubudan na nagdadara nin regalo sa mga kaakian sa manlaen-laen na nasyones. Sa England, nagtutubod sinda ki Father Frost. Sa Finland, ki Joulupukki. Sa Germany, ki Ded Moroz Sa Romania, Czech Republic, Slovakia asin Poland, ki Mikulas. Sa Sweden, Norway, asin Denmark, sa tomte, na sarong dwende. Sa Italy, sa Befana, sarong aswang. Sa Greece, ki Saint Basil, na sarong padi. Sa ibang parte kan Scandinavia, sa yule goat, o kanding. Sa Basque region kan Spain, ki Olentzero, sarong para-oring. Mantang sa Latin America, nagtutubod sinda na an omboy na si Hesus an nagdadara nin regalo sa mga maboboot na aki.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...