Thursday, December 12, 2013

PNP, nagpagiromdom kan mga reglamento sa paputok

Source
PILI, CSUR— Ipinaluwas kan PNP Provincial Office an mga pagiromdom manongod sa mga paputok na pwedeng gibuhon, ipabakal asin gamiton digdi.
An lista, na ibinase sa Republic Act 7183 o “An Act Regulating the Sale, Manufacture, Distribution and Use of Firecrackers and other Pyrotechnic Devices,” ipinublicar sa information guide na pinapalakop ngonian sa provincia.
Kabali sa mga legal na paputok iyo an baby rocket, bawang, El Diablo, Judas Belt, paper caps, pulling of strings, sky rocket o kwitis, an sadit na triangulo, butterfly, fountain, jumbo regular, luces, Mabuhay, Roman candle, sparklers, trompillo, whistle devices, mga pailaw o pyrotechnic devices, asin an iba pang mga klase na may exposive content na kapareho kan mga nasambit na paputok.
Mientrastanto, ipinapangalad man an paggibo, pagpabakal asin pag-gamit kan mga darakulaon na paputok arog kan Super Lolo, Giani Whistle Bomb, mga imported na paputok, mga paputok na may gabat na labi sa 0.2 gram, asin an mga paputok na sinasalak an sulfur asin chlorate.
Peligrosong maray an mga paputok na ini, segun sa PNP, kaya makusog an saindang pangapudan na dai na an mga ini pag-gamiton.
Kaiba pa sa mga pagiromdom iyo an pag-kua nin permit o lisensya para sa mga boot maggibo, magpabakal, asin magpadalan nin fireworks display.
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...