Thursday, December 12, 2013

Mga parol na gibo sa recyclable na materiales, ibinida kan PNP


PILI, Camarines Sur— Dakulang kaogmahan an dinadara kan mga darakula asin makokolor na parol na ibinogtak kan PNP Provincial Office sa saindang opisina.

An mga parol na ini parte kan sarong contest kan mga hepatura sa provinciang ini sa makakagibo kan pinakamagayon na parol.

Manlaen-laen na recyclable asin indigenous na materiales an ginamit para sa pagibo kan mga higanteng parol na ini, arog kan  mga boteng plastic, bunot nin niyog, banig, water hyacinth, asin pili nut shell.

37 na hepatura an nagbale sa kompetisyon, na matapos sa fecha 17 kan Disyembre, an aldaw kun nuarin iaanunsyar an mga nanggana.

Taon-taon nagigibo an PNP kan kompetisyon na ini, tanganing ipaheling man an mga abilidad kan mga pulis  bako lang sa pagpasunod kan ley, kundi pati naman sa pagpapagayon kan kapalibutan gamit ang mga materiales na barato asin madaling makua.

Share:

Featured Post

Hundreds of public servant hopefuls join Albay CSC fair

JOB FAIR. Hundreds of city residents seeking employment flock to the two-day ‘Government Job Fair’ conducted by the Civil Service Commiss...