Thursday, December 26, 2013

Soltero, sinaksak



by Oscar Esmenda
PASACAO, CAMARINES SUR—Irido an sarong soltero matapos na saksakon sa banwaan na ini.
Naresibi kan mga autoridad an report 1:30 nin maagahon kan sarong aldaw kan magreport an tugang kan biktima.
Nabisto an biktima na si Gilberto Arellano, residente kan sitio Cabanggi, Caranan, sa banwaan na ini.
Sa ginibong imbestigayon, napag-araman na an suspetsado iyo si Christian Candelaria dela Rosa, 27 anyos, asin residente kan kaparehas na baranggay.
Segun sa report, an biktima naglalakaw kan nagkaigwa ini asin an suspetsado magkaigwa nin mainitan na diskusyon.
Biglang nagkua nin patarom an suspetsado asin pinagsasaksak an biktima sa manlaen-laen na parte kan lawas.
Tulos man idinalagan sa Mother Seton Hospital an biktima. Alagad an suspetsado duminulag pakatapos an pansasaksak.
An nasambit na suspetsado boluntaryong isinurender kan saiyang ina sa Pasacao Municipal Police Station.
Nakatalaan na sangatan nin kaso na frustrated homicide an suspetsado.
Share:

Featured Post

9th Infantry Division appeals to candidates not to support rebels

Pramis NAGA CITY (Bicol Standard) – The 9th Infantry Division of the Philippine Army called upon aspirants in the forthcoming local e...