Thursday, December 19, 2013

Imbestigasyon sa minahan, pinapararom


CIUDAD NIN LEGAZPI— Sarong hararom na imbestigasyon an hinahagad ni Albay Governor Joey Salceda manungod sa nangyaring pagsabog kan sarong minahan nin uring duman sa Batan Island sa banwaan na ini.
Nakaresibi nin mga report an gobernador na lakop an ilegal na operasyon kan mga siring na minahan maski na ngani dai nagtutugot an probinsya sa maski ano man na klase nin pagmina sa nasambit na banwaan.
Maroromdoman na kan sarong bulan, duwang minero an nagadan, asin duwa pa an irido kan magkaigwa nin pagsabog sa irarom kan daga sa minahan.
Anas sinda nagtatrabaho kan panahon na ito sa Sammajo Mining Corp.
Sinabi sa report na protektado soboot an mga compania na nagmimina sa nasambit na banwaan, kaya dai napupundo an saindang operasyon.
Sa pahayag ni Salceda, sinabi niya na igwa sindang naresibi na mga report na an Department of Energy (DOE) ngani mismo an nagtao nin permiso sa mga minahan.
Ini an rason kun tano nagmanda si Governor Salceda sa Sangguniang Panlalawigan Committee on Natural Resources na mag-conducir nin imbestigasyon ta posibleng may nabalgar an mga minahan na ini sa mga probisyon kan ordinansa kontra sa pagmina.
Piglinaw ni Salceda na sa presente, mayo nin permiso na itinatao an gobierno provincial sa mga minahan, maski na ngani an legal man an permiso na itinatao kan DOE sa mga boot magmina.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...