Thursday, December 26, 2013

Driver kan motor, gadan sa aksidente


by Oscar Esmenda
TINAMBAC, CAMARINES SUR—Gadan an driver kan sarong motorsiklo sa banwaan na ini kan magbaralintong an sinasakyang vehiculo kaini sa sobrang halnas kan tinampo kan sarong banggi.
Alas 8 nin pagkabanggi kan mangyari an insidente sa barangay Salvacion sa banwaan na ini.
Sa imbestigasyon ni PO3 Rizalino Pante, an driver kan motorsiklo na si Ernesto Inocencio kaibanan an backrider na si John Aguilar, nakasakay sa vehiculo hale sa barangay San Roque sa nasambit na banwaan.
Kan makatongod sa kurbada kan Zona 1, barangay Salvacion, enterong nag-gewang-gewang an motorsiklo nin huli sa mahalnas na porsyon kan enterong makaapon an driver asin an backrider.
Pinag-porbaran pang darahon an driver sa Bicol Medical Center alagad ini idineklarar na dead on arrival.
An backrider man nagsapo nin grabeng tama sa payo asin padagos pang tinatawan nin asistencia medical.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...