Thursday, December 12, 2013

Driver kan bus, gadan sa aksidente

Photo: Lupi Municipal Police Station

ni Melvin Machado

LUPI, CSUR— Gadan an driver kan Cagsawa Travel Tours na si Manuel Midel,59 anos kan Commonweath, Quezon City matapos na maipit ini sa manibela sa kusog kan pagkakasalpok sa likodan kan trailer truck.
An nasambit na truck, may plate number ULE 919, asin na pinagmamaneho kan sarong Anastacio dela Cruz kan Bagong Silang, Calookan City pasado alas dos nin maagahon kan sarong aldaw.
Ipinarada soboot kan tsuper ang trailer trak sa gilid kan tinampo sa barangay Cabutagan, banwaan na ini huli ta nagkaigwa nin problema sa makina. Pasiring sa Tacloban City an trailer truck, asin kargado nin hardware materials.
Susug sa imbestigasyon, dae nahiling kan bus driver ang nakaparadang truck sa gilid kan tinampo huli ta maambon.
Mayo man nairido sa treinta y sieteng pasahero kan nasabing truck.
Magigirumduman na nagkundusir nin pagbendisyon sa mga accident-prone area sa kalabaan kan national highway ang PNP Provincial Office matapos kaini manotaran ang pagdakol kan mga vehicular accident na nairereport hale sa nasambit na lugar sa mga municipal police stations.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...