Thursday, December 12, 2013

Tupada, dinakop kan CIDG

Source
SIPOCOT, CSUR— Orog pang pina-isog kan Philippine National Police an saindang kampanya kontra sa ilegal na burulang o tupada.
Sa spot report na naresibi kan Provincial Headquarters, sinabi sa bareta na an pinagsarong miembros kan CS CIDT na pinapamayuhan ni PSI Elmer Mota Galan, na nasa lindong kan superbisyon ni PCI Eugene Naliasca Rebadomia, Cam Sur PPSC, asin Sipocot Municipal Police Station an nagresulta sa pagkakadakop kan mga persona na imbuwelto sa ilegal na burulang.
Pigmidbid kan mga autoridad an mga na-aprehender na iyo sinda Nestor Montanez y Villarivera, 40 años, residente kan barangay Haluban, Lupi; Edgardo Bersabe, 45 años, taga Bolo Norte; Liberato Marasigan kan barangay Salandra;  Hermogenes Cabingan, 54 años, asin taga Calagbangan; asin Eduardo Gutierrez, na taga Sitio Sta. Cruz, Brgy. South Centro.
Sinda gabos, sa report kan pulis, anas mga parataya sa tupada.
Mientrastanto, na-confiscar sa mga suspetsado an kantidad P2,390; duwang may lugad nang manok na pambulang; duwang tambod; tolong pedasong kahoy na may surat na “Llamado,” “Meron” asin “Wala;” sarong pad nin notebook na suratan kan mga taya.
An namamayo kan  patupadang ini  sarong nagngangaran na Tomas Abelardo kan South Villazar, banwaan na ini.
Marikas na nakadulag si Abelardo sa nasambit na raid.
An mga personang nasambit sasangatan nin asunto kriminal sa paglapas sa PD 449, o inaapod na Illegal Cockfighting.
Huli ta sinda nadakop sa aktong nagpaparticipar sa tupada, pakatapos kan inquest proceedings, sinda sasangatan na nin kaso.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...